ம்ம்ம்...

'ம்'   என்பது ஒரு துவக்கம்
மௌனம் கனக்கும்போது
'ம்'   என்பது ஒரு தொடர்ச்சி
மொழி தடைபடும்போது
'ம்'   என்பது ஒர் இணைப்பு
உரையாடல் அறுபடும்போது
'ம்'   என்பது ஒரு திருப்பம்
எத்திசை தொடர்வதென அறியாதபோது
'ம்'   என்பது ஒரு முடிவு
ஒத்திசைந்து ஏற்கும்போது
'ம்'   என்பது உயிர்ப்பு
பேச நா எழாமல் தத்தளிக்கும் போது
'ம்'   என்பது பெருமூச்சு
யாருமற்ற தனிமையில்
'ம்'   என்பது உயிரின் ஒலி
அன்பின் பரிமாற்றத்தை உணருகையில்.
ம்ம்ம்...