மழையெனப் பொழிந்து

மனம் நனைக்கிறதுன் நினைவுகள்🖤

மழைகுறித்தான வரிகள் 

ஈரம் நிறைந்தவை

வறண்ட வானிலையின்

உஷ்ணம் தணிப்பவை

பெய்து தீர்த்தாலும்

பேயாது கெடுத்தாலும்

மழைக்கான தேடல்

இருந்து கொண்டே தான் இருக்கும்

பெருமழையொன்றில்

உருவழிந்து போகும் மேகமென 

உன்னில் கரைகிறேன் 🖤

உன் மௌனத்தைப்போல்

அடர்த்தியானது

இன்றைய மழை 🖤

நீளும் நம் உரையாடல்களில்

பெரும்பாலும் முத்தங்களும்

எப்போதாவது வார்த்தைகளும் பரிமாறுவதுண்டு