ஒரு சாயலில் தெரிந்துவிடுகிறது

யாரோ ஒருவரைப் போல

யாரோ இருக்கிறார்கள்

யாரைப் போலவும் நானில்லை  

இப்படித்தான் நம்பிக்கொண்டிருக்கிறாள்

என்னைப்போலுள்ள அந்த ஒருத்தியும்

மழை பெய்தால்

சளி பிடிப்பதைப்போல

சட்டென்று தும்மல் வருவதைப் போல 

உன் நினைவும் வந்துவிடுகிறது

ஆனால்

மழையோ

சளியோ

தும்மலோ 

ஒரு கட்டத்தில் நின்றுவிடுவதைப்போலல்ல

உன் நினைவு 

#நனைஞ்சாச்சு_மழைல

மழையெனப் பொழிந்து

மனம் நனைக்கிறதுன் நினைவுகள்🖤

மழைகுறித்தான வரிகள் 

ஈரம் நிறைந்தவை

வறண்ட வானிலையின்

உஷ்ணம் தணிப்பவை

பெய்து தீர்த்தாலும்

பேயாது கெடுத்தாலும்

மழைக்கான தேடல்

இருந்து கொண்டே தான் இருக்கும்

பெருமழையொன்றில்

உருவழிந்து போகும் மேகமென 

உன்னில் கரைகிறேன் 🖤

உன் மௌனத்தைப்போல்

அடர்த்தியானது

இன்றைய மழை 🖤

நீளும் நம் உரையாடல்களில்

பெரும்பாலும் முத்தங்களும்

எப்போதாவது வார்த்தைகளும் பரிமாறுவதுண்டு

நினைவுகள் கொன்றது என்னை.

சற்றுமுன்வரை

தீராப்பசி தீர

நினைவுகளை மென்று

தின்று கொண்டிருந்தேன்.

விக்கித்தபோது கண்ணீர் அருந்திக் கடந்தேன்

தீரா தாகத்தை உமிழ்நீர் கொண்டு தணித்தேன்

கொஞ்சம் புரைக்கேறி தடுமாறும் பொழுது

கடந்த கொடும்பொழுதுகளைக் கொண்டு தட்டிக் களைந்தேன்

ஊன் செத்த பொழுதொன்றில்

குருதியின் சூட்டில்

உயிர் தப்பிக் கிடந்தபோது

கனவுகள் கடைந்து 

நினைவுகளை உயிர்ப்பித்து 

உண்டு 

தின்று 

செரித்த கணத்தில்

நெரிபடும் குரல்வளை திமிற விழித்துப் பார்க்க

நினைவுகள் கொன்றது என்னை.

உன் விழியின் ஒளி தருகிறது

என் உயிர்த்தலுக்கான

பச்சையத்தை

உச்சிப் பொழுதில்

விண்ணையும் மண்ணையும் 

நிறைத்துக்கொண்டோடும்

இவ்வெள்ளை நதிக்கு

வெயிலென்று பெயர்

இதோ இங்கே அலை விளையாடும் கடலினிலே எனக்கோர் பங்குண்டு

நுரைத்துப் பொங்கிச் சீறி

கால் நனைக்கும் அலையினிலே

எனக்கோர் பங்குண்டு

பிரபஞ்சத்தின் புரிந்தறியா ரகசியங்களைப் பொத்தி வைத்திருக்கும்

அதன் ஆழத்தில் 

எனக்கோர் பங்குண்டு

ஆர்ப்பரிக்கும் அலையறியாத

அதன் ஆழ்கடல் பேரமைதியில்

எனக்குப் பெரும்பங்குண்டு.

நடக்க நடக்க உள்ளிழுக்கும்

கடற்கரை மணற்பரப்பில்

எந்தன் பங்கும் புதைந்தே இருக்கிறது.

ஒற்றை மணல்துகள் ஒட்டிக்கொள்ள

தட்டிவிட எத்தனிக்கும் விரல்களறியாது

மானுடப் பரப்பின் ஏதோ ஒர் புள்ளியில்

எந்தன் சக மனிதன் புரியும் செயலின் வினையாய்க் கிளர்ந்தெழும் சகல பாவங்களும் 

எந்தன் வாழ்வோடு ஒட்டாமல் உதறிச்செல்லுதல் எளிதல்ல என்று.

விரட்டியடிக்க ஒரே தீர்வு

சிதைத்துச் சீரழிப்பதே என்பது அவர்கள் முடிவானது.

ஆட்சி அவர்கள் கையில்

நீதி அவர்கள் கையில்

கோவில் அவர்கள் கையில்

பூம்பிஞ்சைப் பலியிட்டனர் தெய்வத்தின் முன்னே

நித்தம் நித்தம் பலிபூசை

அவள் குருதியே குங்குமமாய்

அவள் கதறல்களே மந்திரமாய்

முனகல்களே மணியோசையாய்

வேள்வி முடித்த வெறியோடு 

வெளிவந்த பக்தர்களின் செவியில் விழுந்தது

ம்மா என்ற ஆவின் குரல்

கோமாதாவை

பக்தியோடு தொட்டு வணங்கி

வழிந்த கோமியத்தை ஏந்திக் குடித்து

ஏப்பமிட்டுச் சொன்னார்கள்

பாரத்மாதாகீ ஜே!!!

ஆதியிலிருந்து இன்று வரை 

ஆரியத்திடம் அதே உத்தி

மண்ணின் மாந்தரைத் துரத்தியடிக்க

அவர்கள் சொன்னார்கள

நாம் குரங்கானோம்

அவர்கள் சொன்னார்கள் 

நாம் அரக்கர்களானோம்

அவர்களின்

மேனி நிறத்தில்

நாத் திறத்தில் மயங்கி

நம் சோதரியின் மூக்கறுத்தவனுக்காய் 

விபீடணர்களானோம்.

இன்று ஆசிஃபா வரை

ஆதிகுடிகளை விரட்டியடிக்க

அவர்கள் சொல்வதைச் செய்கிறோம்

ஒவ்வொன்றாய்ச் செய்தபின்

அவர்கள் சொல்கிறார்கள்

எது நடந்ததோ

அது நன்றாகவே நடந்தது

பெய்து முடித்த பிறகும்

மரத்தில் மிச்சமிருக்கும்

எனக்கான செல்ல மழை💙

ஆதியிலிருந்து இன்று வரை 

ஆரியத்திடம் அதே உத்தி

மண்ணின் மாந்தரைத் துரத்தியடிக்க

அவர்கள் சொன்னார்கள

நாம் குரங்கானோம்

அவர்கள் சொன்னார்கள் 

நாம் அரக்கர்களானோம்

அவர்களின்

மேனி நிறத்தில்

நாத் திறத்தில் மயங்கி

நம் சோதரியின் மூக்கறுத்தவனுக்காய் 

விபீடணர்களானோம்.

இன்று ஆசிஃபா வரை

ஆதிகுடிகளை விரட்டியடிக்க

அவர்கள் சொல்வதைச் செய்கிறோம்

ஒவ்வொன்றாய்ச் செய்தபின்

அவர்கள் சொல்கிறார்கள்

எது நடந்ததோ

அது நன்றாகவே நடந்தது

தகிக்கிறது அனல்

கொஞ்சம்

வெயில் பருகிக்கொள்கிறேன்

பூவில் தேனுறிஞ்சும்

ஒரு பட்டாம்பூச்சியை பிடிக்கும் விழைவில் கவனம் குவிக்கிறோம்

பட்டாம்பூச்சி நம்மைப் பிடித்துவிட்டதை அறியாமல் 🦋

படம்: இணையத்தில் எடுத்தது

என்னை இக்காலையில் எழுப்பிய பறவையைத் தேடினேன்

வானமென அப்பறவையின் குரல் விரிந்திருந்தது 💙

நாலாய் மடித்து

வாயில் திணித்துக்கொள்ளும்

வெற்றிலையென 

சுருட்டிவிடுகிறாய் மனதை

உள்ளே நெறிபடும் பாக்கென

எனது  நியாயங்களும்

🤎🤍💚

ஆம்!

எறும்பைப் போலத்தான் நான் இருக்கிறேன்

நீ ஏன் தேன் ஆகிறாய் 🐜🐜

நிழலென உடன்வந்த 

பொழுதுகள் கழிந்து

நீயற்ற தனிமை

நீளும் கணங்களில்

நெரிக்கும் நினைவுகளூடே

உயிர் நழுவிப் போகுது  

அவ்வப்போது 💛