ஒற்றை மழைத்துளி 

விழுந்தது மேலே

அந்த உணர்விவின் சாரலில்

எனக்கு நானே

பெருமழையானேன் 💙

01.11.2011

பார்வைகளை

புன்னகைகளை

வார்த்தைகளை 

சுடச்சுட பரிமாறிக்கொண்ட

சந்திப்பில்

ஆறிக்கிடந்தது தேநீர் 🖤

01.11.2021

தேறுதல் நன்றே..

உடலோ

மனமோ

தேர்வோ

மீண்டும் ஒருமுறை பார்க்கிறேன்

உற்று உற்றுப் பார்க்கிறேன்

அதுதானா

அதேதானா

இல்லை என்று கண் சொல்லவில்லை

உண்டென்று மனம் ஏற்கவில்லை 

இருந்தாலும் எட்டிப் பார்க்கிறது முன்னுச்சியில் வெள்ளை

ஆண்டுகள் கழிய வயதொன்று கூடுவதை 

மறைக்காமல் தகழி பகன்றாலும்

நாவும் உதடும் சிவக்கும்

பஞ்சு மிட்டாய் மேல் வைத்த மையல் தீராமல்

உள்ளுக்குள் குதித்துக்கொண்டு தான் இருக்கிறாள் 

சிறுமி ஒருத்தி

16/08/21

நத்தை கூட்டைச் சுமப்பது போல பணிநிமித்தம் 

குடும்பம் துறந்து 

வெளியூரில் வாழும் ஒருவன் நினைவுகளைச் 

சுமந்து திரிகிறான் 

🐌 🐌 🐌

எல்லோராலும்

மறக்கப்பட்ட பறவையொன்று 

கானம் பாடித்

தன்

இருப்பைச் சொல்கிறது

க்கோவ்வ்வ்🖤

சுட்டெரிக்கும் இந்த வெயிலைக் கொஞ்சம்

மழைக்காலத்திற்கென சேமிக்கிறேன்.

யாரேனும் 

சென்ற மழைநாளில் சேமித்த கருமேகத்தில் கொஞ்சம் தாருங்களேன்

♥️