மீண்டும் ஒருமுறை பார்க்கிறேன்
உற்று உற்றுப் பார்க்கிறேன்
அதுதானா
அதேதானா
இல்லை என்று கண் சொல்லவில்லை
உண்டென்று மனம் ஏற்கவில்லை
இருந்தாலும் எட்டிப் பார்க்கிறது முன்னுச்சியில் வெள்ளை
ஆண்டுகள் கழிய வயதொன்று கூடுவதை
மறைக்காமல் தகழி பகன்றாலும்
நாவும் உதடும் சிவக்கும்
பஞ்சு மிட்டாய் மேல் வைத்த மையல் தீராமல்
உள்ளுக்குள் குதித்துக்கொண்டு தான் இருக்கிறாள்
சிறுமி ஒருத்தி
16/08/21
