Friday 28 April 2023

இதோ இங்கே அலை விளையாடும் கடலினிலே எனக்கோர் பங்குண்டு
நுரைத்துப் பொங்கிச் சீறி
கால் நனைக்கும் அலையினிலே
எனக்கோர் பங்குண்டு
பிரபஞ்சத்தின் புரிந்தறியா ரகசியங்களைப் பொத்தி வைத்திருக்கும்
அதன் ஆழத்தில் 
எனக்கோர் பங்குண்டு
ஆர்ப்பரிக்கும் அலையறியாத
அதன் ஆழ்கடல் பேரமைதியில்
எனக்குப் பெரும்பங்குண்டு.
நடக்க நடக்க உள்ளிழுக்கும்
கடற்கரை மணற்பரப்பில்
எந்தன் பங்கும் புதைந்தே இருக்கிறது.
ஒற்றை மணல்துகள் ஒட்டிக்கொள்ள
தட்டிவிட எத்தனிக்கும் விரல்களறியாது
மானுடப் பரப்பின் ஏதோ ஒர் புள்ளியில்
எந்தன் சக மனிதன் புரியும் செயலின் வினையாய்க் கிளர்ந்தெழும் சகல பாவங்களும் 
எந்தன் வாழ்வோடு ஒட்டாமல் உதறிச்செல்லுதல் எளிதல்ல என்று.

Tuesday 18 April 2023

விரட்டியடிக்க ஒரே தீர்வு
சிதைத்துச் சீரழிப்பதே என்பது அவர்கள் முடிவானது.
ஆட்சி அவர்கள் கையில்
நீதி அவர்கள் கையில்
கோவில் அவர்கள் கையில்
பூம்பிஞ்சைப் பலியிட்டனர் தெய்வத்தின் முன்னே
நித்தம் நித்தம் பலிபூசை
அவள் குருதியே குங்குமமாய்
அவள் கதறல்களே மந்திரமாய்
முனகல்களே மணியோசையாய்
வேள்வி முடித்த வெறியோடு 
வெளிவந்த பக்தர்களின் செவியில் விழுந்தது
ம்மா என்ற ஆவின் குரல்
கோமாதாவை
பக்தியோடு தொட்டு வணங்கி
வழிந்த கோமியத்தை ஏந்திக் குடித்து
ஏப்பமிட்டுச் சொன்னார்கள்
பாரத்மாதாகீ ஜே!!!

Friday 14 April 2023

ஆதியிலிருந்து இன்று வரை 
ஆரியத்திடம் அதே உத்தி
மண்ணின் மாந்தரைத் துரத்தியடிக்க
அவர்கள் சொன்னார்கள
நாம் குரங்கானோம்
அவர்கள் சொன்னார்கள் 
நாம் அரக்கர்களானோம்
அவர்களின்
மேனி நிறத்தில்
நாத் திறத்தில் மயங்கி
நம் சோதரியின் மூக்கறுத்தவனுக்காய் 
விபீடணர்களானோம்.
இன்று ஆசிஃபா வரை
ஆதிகுடிகளை விரட்டியடிக்க
அவர்கள் சொல்வதைச் செய்கிறோம்
ஒவ்வொன்றாய்ச் செய்தபின்
அவர்கள் சொல்கிறார்கள்
எது நடந்ததோ
அது நன்றாகவே நடந்தது


பெய்து முடித்த பிறகும்
மரத்தில் மிச்சமிருக்கும்
எனக்கான செல்ல மழை💙
ஆதியிலிருந்து இன்று வரை 
ஆரியத்திடம் அதே உத்தி
மண்ணின் மாந்தரைத் துரத்தியடிக்க
அவர்கள் சொன்னார்கள
நாம் குரங்கானோம்
அவர்கள் சொன்னார்கள் 
நாம் அரக்கர்களானோம்
அவர்களின்
மேனி நிறத்தில்
நாத் திறத்தில் மயங்கி
நம் சோதரியின் மூக்கறுத்தவனுக்காய் 
விபீடணர்களானோம்.
இன்று ஆசிஃபா வரை
ஆதிகுடிகளை விரட்டியடிக்க
அவர்கள் சொல்வதைச் செய்கிறோம்
ஒவ்வொன்றாய்ச் செய்தபின்
அவர்கள் சொல்கிறார்கள்
எது நடந்ததோ
அது நன்றாகவே நடந்தது


Wednesday 5 April 2023

தகிக்கிறது அனல்
கொஞ்சம்
வெயில் பருகிக்கொள்கிறேன்

Tuesday 4 April 2023

பூவில் தேனுறிஞ்சும்
ஒரு பட்டாம்பூச்சியை பிடிக்கும் விழைவில் கவனம் குவிக்கிறோம்
பட்டாம்பூச்சி நம்மைப் பிடித்துவிட்டதை அறியாமல் 🦋

படம்: இணையத்தில் எடுத்தது