Tuesday, 23 July 2024

நனைந்து தீர்க்காத மிச்ச மழையின் வாசமோ

பேசித் தீர்க்காத நட்பின் சாரலோ

நிறைவேறாத காதல் நினைவுகளோ

வயோதிகத் தாய்க்கு
நிறைவேற்றவேண்டிய பொறுப்புகளோ

இன்று வரை தீர்க்கப்படாத கடனோ

வளர்ந்து நிற்கும் பிள்ளைக்கு
செய்து முடிக்காத கடமையோ

ஏதோ ஒன்றைப் பற்றிக்கொண்டு
எழுந்து விட்டது
நோக்காட்டில் விழுந்து தவித்த உயிர்

வாழ்ந்தே ஆகத்தான் வேண்டும் போல

23.07.2023
கடுங்காபியில்
மிகச் சரியான அளவில் பால் சேர்த்து சுவை கூட்டுது
உன்னுடனான உரையாடல்