கூடுகிழித்துக் கிளம்பும் ஒரு பட்டாம்பூச்சி
ஈரச் சிறகுகளைக் காற்றில் உலர்த்திப்
படபடத்துக் கிளம்பும்.
பூக்கள் அருகாமையா
வெகுதூரமா அறிவதில்லை.
தேனுறிஞ்சிச் சிறுவயிறு நிரப்பும்
பட்டாம்பூச்சியின் போராட்டம் அறியாது
வண்ணங்கள் பார்த்துச் சிலிர்த்துப் போகும் நாம்
தன் சிறகின் வனப்பறியா சிறுபூச்சியின்
பசி தீர்க்கும்
சிறுமலர்பூக்கும் செடியொன்றை
வளர்த்தல் நலம்.