எல்லோராலும்

மறக்கப்பட்ட பறவையொன்று 

கானம் பாடித்

தன்

இருப்பைச் சொல்கிறது

க்கோவ்வ்வ்🖤

சுட்டெரிக்கும் இந்த வெயிலைக் கொஞ்சம்

மழைக்காலத்திற்கென சேமிக்கிறேன்.

யாரேனும் 

சென்ற மழைநாளில் சேமித்த கருமேகத்தில் கொஞ்சம் தாருங்களேன்

♥️

நந்தவனமொன்றில்

பூ பறித்தானோ

சாக்லேட் மலையொன்றில் ஏறிச்சென்றானோ

நண்பர்கள் சூழ விண்ணில் பறந்தானோ

நாளெல்லாம் சிறகு விரித்த களைப்பின்றி

விடிகாலை உறக்கத்தில் 

குலுங்கிக் குலுங்கிச் சிரிக்கும்

வெற்றிமாறனின் கனவுக்குள் 

விண்மீன்கள் ஒளிரட்டும்❤️

17.01.2020