ஒவ்வொரு நாளும் உள்நுழையும் இருள்

வாழ்வின் இறுதிக்கணங்களை கண்முன்னே காட்சியெனத் தருகிறது

இரவு கவிந்து சாமம் தொடங்கும் பொழுதில்

விழித்திருக்கும் உயிருணரும் தனிமை

மரணமன்றி வேறேது?

உடல் பிரிந்த உயிர் நினைவுகள்தோறும் தாவி

கனவொன்றின் மேல் இளைப்பாறுகையில்

மீண்டு வரும் நினைவலைகள் தருவது சிறகெனில் 

காலையில் உயிர்த்தெழுதலும்

விலங்கெனில் மரணித்தலும்

புலர் காலையில் நியதியாகிறது.

மீண்டும் வாழ்வா மரணமா

என்பதை நிர்ணயிக்க இருள் கவ்வும்

மாலை வரை உயிர்த்திருக்கும் உயிர்