தொலைதூர ரயில் ஒன்றின் முனகல் ஒலி 

நினைவுகளைத் தட்டி எழுப்புகிறது

அடுத்த ரயிலில்

அடுத்த ரயிலில் என

எல்லா ரயிலையும் விட்டு விட்டு 

அன்றைய

கடைசி ரயிலொன்றின் 

கடைசிப் பெட்டியில் 

கிளம்பும் நேரத்தில் 

தாவி ஏறிக் கையசைத்த 

உன் விரல்கள் பற்றி வந்திருக்கலாம் கூடவே

காலங்கள் கடந்தாலும்

ஏதோ ஒரு தண்டவாளத்தின்

அந்நாளுக்கான 

கடைசி ரயிலின் சத்தம்

விசும்பலாகத்தான் செவிகளில் கேட்கிறது இன்று வரையிலும்

09.07.2023