ஆளசிந்தையில் யாதொரு தெளிவுமில்லை

ஏதுமற்றவன் பாடுகள் குறித்த அக்கறையில்லை

எல்லாமிருப்பவனிடம் அவனுக்கு சொல்வதற்கேதுமில்லை

அரிதாரம் பூசி

அரியணை ஏறிய நாள்முதலாய்

கஞ்சிக்குத் தவிப்பவனின்

கழனியில் நிற்பவனின்

சாய்க்கடை மலத்திலுழல்பவனின்

மதச்சார்புகள் அற்றவனின்

குரல்களேதும் அவன்காதில் விழவில்லை

நித்தமொரு ஊர்வலம்

உலகம் சுற்றும் வாலிபனாய்

ஒய்யார உடையணிந்து தர்பார்கள் நிகழ்த்துவதோ வாய்ச்சவடாலில்.

மானுட தர்மங்கள் யாவும் மாறி

மாட்டுக்கொரு நீதி

மனிதருக்கொரு நீதி

மனிதரிலும் சிலருக்கோ அநீதியென்றே

மனுதர்ம சாத்திரங்களாயின. 

மனுவும் சாணக்கியனும் நாவில் நடமாட சொற்பொழிவுகளின் தரவுக்கோ புராண ஏடுகள்தானே.

எதையேனும் சொல்லி

எதையெதையோ புளுகி

வரலாற்றின் ஏட்டைத் திரிப்பதற்குக்

#குறிப்புகள்_ஏதும்_தேவையா?

சொல்லுங்கள்.