சொல்லொன்று தொக்கி நிற்கிறது எதனோடும் சேராமலே

வேறு வார்த்தைகளோடு இணையவில்லை

எந்த வாய்மொழியோடும் இணக்கமில்லை

ஏதுமற்ற ஒன்றாய் நிற்பதுபோன்ற தொனியில்

எதையோ சொல்லத்துடிக்கிறது

ஒரு அணுக்கமான இதயம் தேடி

அனுசரனையான வாக்கியம்தேடி

பொருள்பொதிந்த இலக்கியம்தேடி

இலக்கண வரம்புகள் மீறாத கவிதையொன்றை நாடி

சொல்லொன்று அலைபாய்கிறது

தன்னியல்பு மாறாது தம்மை

எடுத்தாளுவோர் விரல்தேடி.