சிறகுவிரித்தல் எளிது

தான்

பறந்துவிடுங்கள் சட்டென்று

அனுமானங்களுக்குள் 

சிக்கிவிடாது

கிளையொன்றில் அமரும்

பறவையிடம் 

காரணங்கள் ஏதுமிருக்கத் தேவையில்லை..

பறத்தலுக்கும்.

வா!

பட்டாம்பூச்சி பார்ப்போம்!!

வா!

பட்டாம்பூச்சி ஆவோம் 🧡

உறைதற்பொருட்டு

கட்டிய கூடு சிறையானால்

சிறுபுள் என் செய்யும்?

இறக்கைகளைக் கொஞ்சம் மடித்து வைக்கிறேன்

பறக்கவே இல்லாமல் 

வெறுமனே விரித்திருப்பதில்

வலிமிகுகிறது

பெயர் தெரியாத அந்தப் பறவையைப் பார்த்தபடி நடக்கிறேன்

என் பெயர் தெரியாத அந்தப் பறவையும்

என்னைப் பார்த்தபடி பறக்கிறது

இயற்கை இருவரையும்

ஒரு நொடி 

ஒரு புள்ளியில் இணைத்து

ஆசீர்வதிக்கிறது

உன் மௌனத்தோடு 

மோதித்தோற்று

சேதாரமாகித் திரும்பும் என் சொற்களில் உறைந்திருக்கிறது

உன் உயிரின் சிறுதுளி 🖤