கூடுதிரும்புதலே வீடடைதல் ஒரு பறவைக்கு இரவைக்கழிக்கும் பொருட்டு.

இருளை எதிர்கொள்ள வேண்டிய இரவில்

உன் குறுஞ்செய்தியின் வரவொன்றே

வீடடைதலுக்கான காரணமெனக்கு.

வீடடைதல் தொடங்கிடும்

உன்னுடனான உரையாடலோடு.

பிறிதொரு நாளில்

உன் உரையாடலற்ற இரவுகளில்

நினைவுப்பறவையொன்று

நித்தம் நித்தம்

தனித்துப் பறந்து தவித்திருந்து 

வீடடையும் விருப்பமின்றி

சிறகுகளின் வலியுணராமல்

வலிந்து அசைத்து

வானளந்து திரிந்ததை யாரறிவார்

27.05.2017