நினைவுகள் கொன்றது என்னை.

சற்றுமுன்வரை

தீராப்பசி தீர

நினைவுகளை மென்று

தின்று கொண்டிருந்தேன்.

விக்கித்தபோது கண்ணீர் அருந்திக் கடந்தேன்

தீரா தாகத்தை உமிழ்நீர் கொண்டு தணித்தேன்

கொஞ்சம் புரைக்கேறி தடுமாறும் பொழுது

கடந்த கொடும்பொழுதுகளைக் கொண்டு தட்டிக் களைந்தேன்

ஊன் செத்த பொழுதொன்றில்

குருதியின் சூட்டில்

உயிர் தப்பிக் கிடந்தபோது

கனவுகள் கடைந்து 

நினைவுகளை உயிர்ப்பித்து 

உண்டு 

தின்று 

செரித்த கணத்தில்

நெரிபடும் குரல்வளை திமிற விழித்துப் பார்க்க

நினைவுகள் கொன்றது என்னை.